Kambovski, Igor and Stojanovska, Elena (2024) Истражување за ефектот на новите технологии, со особен фокус на вештачката интелигенција, врз човековите права на интернет и развивање етички стандарди за заштита на човековите права на интернет при автоматско донесување одлуки. Metamorphosis. pp. 1-47.
![[thumbnail of finalno_istrazuvanje-za-efektot-na-veshtachkata-inteligencija-vrz-chovekovite-prava.pdf]](/style/images/fileicons/text.png) |
Text
finalno_istrazuvanje-za-efektot-na-veshtachkata-inteligencija-vrz-chovekovite-prava.pdf - Published Version Download (1MB) |
Abstract
Вештачката интелигенција (ВИ) и нејзината интензивна употреба се релативно нов феномен. Меѓутоа, степенот до кој може да влијае на секојдневниот живот на луѓето, на редизајнирањето на деловните процеси и начинот на функционирање и организирање на секојдневните општествени, економски, социјални, трговски, политички, демократски и други видови процеси, и тоа глобално и за исклучително кратко време, е огромен и е многу непредвидлив. Од што се состои суштинската промена? Компјутерите, информатичките и комуникациските технологии и процесите на дигитализација примарно претставуваа средства и начини кои го олеснуваа собирањето, складирањето и обработката на податоци, со цел да се зголеми квалитетот и брзината на работата на луѓето. Сепак, со брзиот развој и проширување на примената на вештачката интелигенција - благодарение на нап редокот на длабоките невронски мрежи, зголемувањето на количеството на податоци погодни за машинско учење и зголемената достапност на микропроцесори погодни за обемни нумерички пресметки – се овозможи на компјутерите, роботите и други автоматизирани производи да извршуваат активности кои претходно биле карактеристични само за луѓето. Ова им овозможува на роботите да бидат користени за вредни и хумани цели (како на пример - опасни активности во рудници или во вселената) или на компјутерите да донесуваат заклучоци врз основа на обработка на огромни количини на податоци (на пример - анализирање на снимки и наоди за да се обезбедат попрецизни медицински дијагнози) и да се предвидат одредени настани (како што се економските модели и трендови или временската прогноза). Гледано од тие аспекти, корисноста на вештачката интелигенција е неспорна и неприкосновена. Сепак, потребно е да се земе предвид и проблемот со намалување на бројот на работни места (на пр. во банкарството, јавната администрација, индустријата). Од друга страна, пак, во областа на воената индустрија сè уште преовладува идејата и перцепцијата за корисноста на вештачката интелигенција во однос на свесноста за ризиците што веќе се случиле или потенцијално можат да се случат во иднина. Овие ризици се поврзуваат со појавата и развојот на таканаречената супер-вештачка интелигенција, која самостојно и сè понезависно се подобрува и интензивно се надградува, истата донесува одлуки на свој начин и постои реална можност, дури и опасност, да излезе од контрола и регулација.
| Item Type: | Article |
|---|---|
| Subjects: | Social Sciences > Law |
| Divisions: | Faculty of Law |
| Depositing User: | Igor Kambovski |
| Date Deposited: | 17 Jun 2024 12:37 |
| Last Modified: | 17 Jun 2024 12:37 |
| URI: | https://eprints.ugd.edu.mk/id/eprint/34289 |
Actions (login required)
 |
View Item |