Хируршки третман и предвидување на ризик од патолошки фрактури со Mirel’s скор поради метастази на апендикуларниот скелет

Метастазите на апендикуларниот скелет се најчест неопластичен процес кој што го афектира
локомоторниот систем. Според својата инциденца, најчести се метастазите од карциномот на дојка, белите
дробови, бубрег, тиреоидна жлезда и простата. Tипот на хируршка интервенција кај пациентите може да
влијае на севкупното преживување на пациентите со оглед на растечкиот концепт на олигометастази.
Цел: Целта на трудот е да се прикаже зачестеноста на патолошката фрактура кај пациентите со метастази на
апендикуларниот скелет и изведениот оптимален хируршки третман, согласно стадиумот и очекуваното
преживување.
Материјали и методи: Студијата беше спроведена на Универзитетската клиника за Ортопедски болести во
периодот помеѓу 2019-2022 година. Истата е од ретро-проспективен карактер. Во студијата беа вклучени 74 пациенти со метастаза на апендикуларниот скелет од примарни карциноми на дојка, бели дробови, простата
и тиреоидна жлезда. Добиените податоци се систематизирани и направена е статистичка анализа.
Резултати: Според резултатите од истражувањето најзастапени се метастазите од карциномот на дојка, а на
второ место метастазите од карцином на бели дробови. Најчесто афектирана регија е проксималниот фемур,
кај пациентите беше направена остеосинтеза соодветно со динамична компресивна плочка (DHS) и
интрамедуларен клин (Intertan). Кај секој од пациентите направени се дијагностички инвестигации по
протокол: РТГ, КТ, скен на скелет со tc99m. По детерминирање на стадиумот на болеста пациентите беа
соодветно хируршки третирани, по чие завршување повеќето беа упати за адјувантна хемотерапија и
палијативна радиотерапија.
Заклучок: Настанувањето на патолошка скршеница е катастрофална компликација за повеќето онколошки
пациенти. Јасното разбирање на очекуваниот животен век на пациентите со коскени метастази е од голема
помош за да се спречат грешки и неуспеси во третманот.
Клучни зборови: Коскени метастази, патолошка фрактура, Mirels score.