Еднаков пристап до правда во сите сегменти на општественото живеење

Пристапот до правдата на светско ниво е составен дел на постигнување на целите за одржлив развој и инклузивен раст. Со воспоставување на новите цели за одржлив развој по првпат е воведена одделна цел за постигнување пристап до правда на сите, вклучувајќи ги и најмаргинилазираните. Оттука, трудот ќе биде фокусиран на пристапот до правда како основен принцип на концептот на владеење на правото. Системот за обезбедување еднаков пристап до правда за сите граѓани е комплексен систем во кој што се испреплетуваат бројни закони, па затоа во овој труд посебно ќе се осврнеме на системот на бесплатна правна помош како ефикасен механизам за обезбедување на еднаков пристап до правда на сите граѓани. Идејата на трудот е да се утврди колку системот на бесплатна правна помош е ефикасен механизам за обезбедување на еднаков пристап до правда на сите граѓани во Република С.Македонија.
Клучни зборови: одржлив развој, пристап до правда, правна помош