Перцепција на слободата на изразување на медиумските работници во Република С. Македонија

Предмет на овој труд е перцепцијата на медиумските работници за слободата на изразување, степенот на цензура и самоцензура во Република С. Македонија. Тргнувајќи од основното човеково право, односно слобода на изразување содржано во меѓународните и националните документи, целта на ова истражување е да се види колку ова право го остваруваат медиумските работници и дали постојат причини за негово ограничување во пракса. Анализата направена преку компарација на добиени резултати од три истражувања кои ги опфаќаат Северниот, Јужниот, Источниот и Западниот Регион во С. Македонија, даваат одговор на прашањето – „Каква е перцепцијата на медиумските работници за степенот на слобода на изразување во Република С. Македонија?“