Решавање на колективните работни спорови по пат на економски притисок во Република С. Македонија во периодот 2005–2021

Во нашето истражување ќе се фокусираме на решавањето на колективните
работни спорови во Република С. Македонија со економски притисок. Најпознат
облик на колективен работен спор кон работодавачите е штрајкот. Во нашето
истражување ќе се осврнеме на обележјата на штрајковите во периодот 2005–
2021 година од аспект на причини, барања, времетраење, број на претпријатија/
установи кои штрајкувале, број на учесници, завршување на штрајковите и др.
Освен тоа, ќе се осврнеме на поимот, дефиницијата и на правните аспекти на
штрајкот. На крајот од трудот ќе бидат дадени заклучоците од истражувањето.
Клучни зборови: економски притисок, преговарање, социјален мир, спогодување,
штрајк.