Воведување на нова методологија за синтеза и контрола на квалитет на радиофармацевтикот [18F]Флуоромисонидазол

Cocevska, Maja (2023) Воведување на нова методологија за синтеза и контрола на квалитет на радиофармацевтикот [18F]Флуоромисонидазол. Doctoral thesis, Faculty of medical science.

This is the latest version of this item.

[thumbnail of Doktorski trud_MCh_Lektoriran.pdf] Text
Doktorski trud_MCh_Lektoriran.pdf
Download (5MB)

Abstract

Познати се голем број дијагностички методи со кои може да се испитаат различни хипоксични тумори, но позитронско-емисионата томографија (ПЕТ) покажува голем број на предности. За таа цел во ПЕТ се користат добро познатите нитроимидазолни деривати поврзани за 18F-флуор како позитронски радионуклид. Еден од најмногу користените е [18F]Флуоромисонидазол (1-[18F]fluoro-3-(2-nitro-1H-imidazol-1-yl)propan-2-ol, со кратенка [18F]FMISO). [18F]FMISO е високоспецифичен особено кај хипоксија на глиоми, хипоксија во белодробен канцер, карциноми на глава и врат и други хипоксични тумори. Досега за производство на [18F]FMISO се развиени две методологии. Едниот метод е познат како стандарден и користи модул за синтеза поврзан со дополнителна единица за прочистување со високоефикасна течна хроматографија (HPLC единица за прочистување), а вториот метод е понов и користи модул за синтеза со прочистување од типот цврсто фазна екстракција со употреба на SPE кертриџи. SPE методот овозможува целосно автоматизирање на процесот, скратување на времето на синтеза, повисок принос, поедноставување на целокупниот процес за производство со поголема безбедност на операторот (од аспект на заштита од јонизирачко зрачење) и со пониска цена.
Целта на оваа докторска дисертација беше воведување на нова методологија за синтеза на радиофармацевтикот [18F]Флуоромисонидазол во којшто наместо стандардниот метод на производство се развие и оптимизира синтеза со SPE прoчистување. За овој процес на развој на синтезата беше потребно дефинирање на голем број параметри коишто имаат големо влијание врз ефикасноста на синтезата. Најпрво беше креирана секвенца за автоматска синтеза на [18F]FMISO со SPE прочистување. Потоа беше направена оптимизација на синтезата и прочистувањето за: почетни услови во реакцијата пред радиофлуоринација (почетна активност на [18F]F-, тип на анјон-разменувачкиот кертриџ за задржување на 18F[F-], раствор за елуција на 18F[F-]); услови во реакција на радиоифлуоринација (маса на прекурсор, температура на радиофлуоринација, времетраење на реакција на радиофлуоринација); услови во реакција по радиофлуоринација (времетраење на евапорација на ацетонитрил, растворот за хидролиза, температура на хидролиза, времетраење на реакцијата на хидролиза); типови на SPE кертриџи за прочистување (испитани се шест типа на реверзно-фазен кертриџ, два типа на катјонизменувачки кертриџи и два типа на алуминимум оксидни кертриџи). За оваа цел беа направени околу 50 синтези и за секоја серија на производ беше направена контрола на квалитет.
Во оваа студија успешно беше развиена синтеза на [18F]Флуоромисонидазол со SPE прoчистување која може да се спроведе и под асептични услови, произведувајќи радиофармацевтик со квалитет што ги исполнува сите критериумите дефинирани во монографијата на Европската фармакопеја.

Клучни зборови: [18F]FMISO, [18F]F-, синтеза, ПЕТ, оптимизација, контрола на квалитет

Item Type: Thesis (Doctoral)
Subjects: Medical and Health Sciences > Other medical sciences
Divisions: Faculty of Medical Science
Depositing User: Maja Cocevska
Date Deposited: 07 Dec 2023 10:27
Last Modified: 07 Dec 2023 10:27
URI: https://eprints.ugd.edu.mk/id/eprint/32808

Available Versions of this Item

Actions (login required)

View Item View Item