Раскинување на договорот за доживотна издршка поради променети околности

Овој труд ја обработува темата за раскинување на договорот за доживотна издршка поради променети околности. Фокусот е ставен на анализа на правните фактори кои се релевантни за донесување одлука за раскинување на договорот во овој контекст. Посебно внимание се посветува на примената на принципот rebus sic stantibus кој овозможува раскинување на договорот поради исклучителни промени на околностите кои не можат да се предвидат во моментот на склучување на договорот. Воведната анализа вклучува преглед на правните основи и релевантните законски одредби со цел да се идентификуваат параметрите што треба да се земат предвид при утврдувањето на релевантните промени. Разбирањето на овие фактори има за цел да се подобри правното одлучување и правната пракса во случаите кои вклучуваат раскинување на договорите за доживотна издршка поради променети околности.