Нормативно регулирање на Интернет комуникацијата

Регулирањето на интернет комуникацијата со правни норми е еден од најголемите предизвици со кои се соочуваат современите држави и веќе неколку децении е актуелна тема во различни области на правото. Оттука и терминот Интернет право (Internet Law) е своевиден интересен концепт кој претставува сплет на правила од различни области на правото кои се применуваат истовремено. Процесот на креирање нормативи за дозволените содржини и активности на Интернет е тежок и на тој пат правните системи се соочуваат со различни предизвици. Освен тоа, активностите на Интернет создаваат ефекти со кои националните правни системи и меѓународниот правен поредок никогаш претходно не се соочиле.