Сликата на едно двојно растење прикажана во книгата раскази ,,Пак се тука Петар и Лука“ од Горјан Петревски

Современите македонски писатели, во своето богато творештво, издвојуваат посебно место за младите детски души. Едно такво творештво кое е свртено кон децата и адолесцентите е творештвото на нашиот добро познат автор – Горјан Петревски, кој со децении наназад е еден од најчитаните македонски автори за деца и млади во Македонија. Тој е човек кој вешто знае да ве наврати во детството ако веќе сте дел од возрасниот свет, а доколку сте деца, лесно се соживувате со напишаното. Бидејќи инспирацијата е насекаде околу нас, па и околу него, тој непрестано твори, твори и ја остава публиката во исчекување.