Хидрогеохемиски карактеристики и прогнозен модел на геотермалниот систем Здравевци, Кратовско

Во трудот ќе бидат прикажани некои податоци за хидрогеохемиските карактеристики на термоминералната вода од геотермалниот систем Здравевци, Кратовско. Направен е обид да се следат хидрогеохемиските карактеристики на
термоминералната вода со цел да се утврди присуството и варирањето во содржините на поедините елементи. Одредени се, симултано, содржините на следните елементи: Ca, Mg,
Na, K како главни елементи, Fe, Al, Mn, Li, и Sr како споредни и As, Ag, Ba, Cd, Cr, Co, Cu, Mo, Ni, P, Pb, Se, Ti и Zn, и др. како микроелементи, со методата на атомско – емисиона спектроскопија со индуктивно спрегната плазма (AES-ICP). Добиените резултати од извршените испитувања укажуваат дека не постојат значајни отстапувања во содржините на анализираните елементи. Резултатите од досегашните теренски,
лабораториски и други истражувања и испитувања даваат можност да се создаде прв прелиминарен модел на геотермалниот систем Здравевци.