Концептот на одржлив развој во правото и политиките: присуство, предизвици и перспективи

Во рамките на активностите на проектот „Концептот на одржлив развој во правото и политиките: присуство, предизвици и перспективи“, предводено од Центарот за анализа на право и политики при Правниот факултет, УГД - Штип, под раководство на проф. Ана Никодиновска Крстевска и проф. Борка Тушевска Гавриловиќ, се организраше меѓународен семинар на истоимената тема, во рамките на кој земаа учество професори, експерти и студенти од национални и меѓународни универзитети и институции. Целта на семинарот беше да се презентираат истражувањата коишто се спроведуваат во рамките на проектот, а кои се поврзани со теми кои го истражуваат концептот на одржлив развој во различни области од правото и политиките.