Естетски реставрации-ламинати

Ламинатите уште познати како фасети претставуваат тенки транслуцентни изработки односно прекривки кои ја имитираат бојата на забот, дизајнирани се со цел да ја прекриваат предната површина на забот за да го подобрат изгледот на насмевката. Се врзуваат со предната страна така што ја менуваат бојата, формата, големината и должината на забот. Ламинатите можат да бидат изработени од порцелан или од композитен материјал. Порцеланските ламинати подобро ги покриваат дисколорациите на забите за разлика од композитните и ги имитираат својствата на природните заби односно ја рефлектираат светлината на природните заби.