Примена на електродните механизми на површинско-активни системи во аналитика на лекови – теоретска и експериментална студија во услови на квадратно-бранова волтаметрија

Janeva, Milkica (2022) Примена на електродните механизми на површинско-активни системи во аналитика на лекови – теоретска и експериментална студија во услови на квадратно-бранова волтаметрија. Doctoral thesis, UGD.

Text Doktorska disertacija Ass. M Janeva Mart2022.pdf - Accepted Version Download (5MB)

Abstract

Волтаметриските анализи за студирање на електродните механизми на површинско-активни системи претставуваат електрохемиски методи со кои можат да се разработат соодветни аналитички методи, како и да се добијат релевантни параметри за квантитативно определување на голем број лекови, како и за интеракциите што можат да настанат помеѓу два лека. Притоа, доколку постојат интеракции помеѓу два дефинирани лека, со примена на теоретски методи, можат да се опрeделат кинетички и термодинамички параметри што се во корелација со брзината на интеракциите, како и со стабилноста на евентуалните комплeкси што настануваат при интеракција на дефинираните лекови. Во рамките на докторската работа се разработени поголем број на теоретски модели на површинско-активни лекови што се поврзани со хемиски рамнотежи, каде електронскиот трансфер се случува во еден или во два последователни чекори. Дел од резултатите од теоретските модели се тестирани со експериментални системи на површинско-активни моделни супстанци. Резултатите од теоретските и експерименталните испитувања се од корист во дизајнирањето на нови електрохемиски методи во аналитиката на лекови, како и за дизајнирање на соодветни експериментални методи преку кои ќе можат да се анализираат квантитативно голем број лекови, но и да се определат релевантни кинетички и термодинамички параметри од интеракциите помеѓу дефинирани лекови.

Item Type:	Thesis (Doctoral)
Subjects:	Medical and Health Sciences > Other medical sciences
Divisions:	Faculty of Medical Science
Depositing User:	Milkica Janeva
Date Deposited:	11 Mar 2022 10:38
Last Modified:	11 Mar 2022 10:38
URI:	https://eprints.ugd.edu.mk/id/eprint/29586

Actions (login required)

View Item