Мултикултурализмот и влијанието врз развојот (со осврт на македонското општество)

Овој труд го разработува прашањето за мултикултурализмот, (сфатен во
хетерогена етничка смисла), од една страна како причина за конфликт, а
од друга страна во функција на политика за развој. Во првиот дел се дадени
примери на теоретски видувања според кои, етничката хетерогеност во
мултикултурните општества е причина за конфликт, кој последователно влијае
врз развојот и примери на политики за спроведување на мултикултурализмот
кои може да доведат до развој. Во вториот дел на излагањето е направен
осврт на македонското мултикултурно општество во контекст на претходно
изнесените теоретски видувања. Односно направена е анализа на причините
кои доведоа до конфликт, кој избувна во 2001 година и спроведените политики
за одразување на мултикултурниот карактер во функција на развој.
Клучни зборови: мултикултурализам, конфликти, развој, македонскиот случај