Весници и Списанија На Турски Јазик Од Македонското Поднебје

Предмет на нашиот интерес при истражувањето кое му претходеше на овој научен труд, беа списанијата издадени на турски јазик во Р Македонија. Паралелно со македонската и другите балкански книжевности, на овие простори се развивала и турската книжевност. За развојот на секоја книжевност од големо значење се и весниците при што во ова истражување беше согледана и нивната улога. За таа цел се консултиравме со литературни дела кои нудат многу податоци, односно зборуваат за нив како во периодот по распаѓањето на Oсманлиската Империја така и во периодот потоа. Овие весници се извор на богати информации кои сведочат за животот и творештвото на Турците, односно го претставуваат нивниот глас на македонскиот простор