ПРАКТИКУМ ПО ЕЛЕКТРОНИКА

Со практикумот се опфатени 10 лабораториски вежби предвидени да ги воведат студентите во практиката од областа на eлектрониката. Лабораториските вежби ги опфаќаат следните избрани теми: полупроводнички елементи, како што се диодите и транзисторите, засилувачи, но и избрани теми од дигитална електроника, како што се основните логички кола, основни мемориски кола и микроконтролери. Целта на овие лабораториски вежби е студентите да се здобијат со знаења и вештини за да можат самостојно и практично да користат мерни инструменти,извори на напојување, алат и материјали, да можат самостојно да дизајнират, тестираат и изработуваат електрични кола со лемење или со користење на универзални прототип плочи со користење на основни електронски елементи и интегрални кола. Исто така, важна цел е да усвојат пристап кон практичната работа кој треба да биде на безбеден начин, со примена на соодветна работна дисциплина и примена на мерките на заштита при работа во лабораторија по eлектроника.