Влијанието на трансформациското лидерство врз стратегијата на развој на организацијата

Лидерите се основните актери во подобрувањето на јавните перформанси и организациските промени. Секоја организација претставува посебна институција и се одликува со свои добри и лоши страни. Секоја фирма е посебна, изградена е според различен бизнис модел, има одредена дејност која ја извршува и делува во одреден бизнис сектор.
Да се одбере правилниот начин на водење е предизивик за многу лидери, а да се зголеми ефикасноста во работењето, да се стимулираат вработените да ја следат визијата на фирмата и да се движат во насока на остварување на групните цели, а не личните интереси се само дел од факторите кои на долг рок влијаат на развојот на организацијата. Затоа, лидерите се тие кои треба добро да ја познаваат организацијата и според тоа да го одберат правилниот лидерски стил кој би бил најпогоден за сите. Теоријата и праксата покажуваат дека голем дел од фирмите го преферираат трансформацискиот стил, бидејќи преку него може да се придонесе компанијата да се развива во правилна насока и да се издвои од останатите конкурентни компании.
Во овој труд е ставен главен акцент на трансформацискиот лидерски стил и се анализира зошто токму овој стил е погоден за организациите и зошто лидерите, а и вработените го преферираат, кои се бенефитите од неговата примена и кои се крајните резултати.
Клучни зборови: организација, развој, лидер, трансформациски лидерски стил, напредок.