Оцврт кон книгата „Прагматика: јазик и комуникација“

Оваа статија има за цел да ја претстави книгата „Прагматика: јазик и комуникација“ на авторките Марија Кусевска и Елени Бужаровска. Книгата е наменетa за сите оние кои покажуваат интерес за истражување во областа
на прагматиката, но и за сите кои се занимаваат со истражувања од областа на јазикот и комуникацијата воопшто. Содржината на книгата е претставена на 240
страници и е поделена во следниве поглавја:
Вовед, Комуникација, Контекст и пресупозиција, Референција и деиксис, Принципи на кооперативност и имплицитни значења, Принцип на учтивост, Говорни чинови, Директност и индиректност, Конверзациска анализа, Дискурсни маркери, Анализа на дискурсот, Меѓукултурна и интеркултурна прагматика и Користена литература. Значењето на оваа книга е огромно – во неа се преточени искуствата на авторките од нивната наставна работа, но и нивното животно искуство стекнато преку едукацијата за време на нивниот стручен престој во англиско и американско говорно подрачје.