Усвојување на вокабуларот: поими, процеси и стратегии

Монографијата се состои од две глави кои обработуваат теоретски прашања во врска со вокабуларот. Во првата глава се разработуваат основните прашања за вокабуларот и процесите на неговото усвојување. Овде станува збор за лексичката компетенција и менталниот лексикон, се дефинираат и се објаснуваат поимите како што се рецептивно и продуктивно знаење на вокабуларот, експлицитно и имплицитно учење на вокабуларот, како и инцидентно и интенционално усвојување на вокабуларот. Втората глава дава осврт на улогата на вокабуларот во досегашните наставни методи, преглед на методите и техниките за учење на вокабулар кои се користат во наставата денес, стратегиите кои може да ги користат учениците при учење на вокабуларот, како и факторите кои влијаат врз усвојувањето на вокабуларот.