Моден перформанс на студентите на ТТФ на Научно културните средби "Десет дена Крушевска Република" 2021.

Технолошко – техничкиот факултет ликовната академија и катедрата за Архитектура и дизајн со заедничка изложба и моден перформанс учествуваа на Научно културните средби "Десет дена Крушевска Република" 2021.
Технолошко техничкиот факултет уште еднаш ја покажа креативноста, со еден несекојдневен моден перформанс, изложба на модни фотографии и видео приказна која посетителите ја гледаа на видео бим поставен покрај самата сцена.
Спојот на историјата и современите дизајни даде една спектакуларна и магична нота која ги воведе посетителите во едно несекојдневно сценско и видео доживување. На видео бим беше презентирано видеото насловено како "Пандемизам" - емотивна приказна инспирирана од Пандемијата. Видео приказната побуди длабоки емоции кај публиката и беше наградена со голем аплауз и воодушевување.