Превентивна стоматологија - практикум

Стоматологијата е една од најстарите медицински дисциплини, но превентивната
стоматологија како гранка на стоматологијата припаѓа меѓу најмладите.
Цел на превентивната стоматологија: Основната цел на превентивната
стоматологија е врз основа на современи научни податоци за етиологијата на оралните
заболувања да препорача и обезбеди примена на најефикасни, проверени мерки и
средства за нивно спречување.
Од оваа цел произлегуваат и задачите на превентивната стоматологија, да ги проучува
и регистрира карактеристиките на оралната патологија, факторите кои предизвикуваат
или ја допринесуваат појавата на оралните заболувања. Мерките и методите за нивна
превенција, евидентирање и пратење, изработка, контрола на примената и
евалуацијата на програмата за нивното спречување и сузбивање.