„Не треба шум да се крева, туку темелно да се гради“(По повод: „Македонските лингвисти“, том I и II, од Иван Глигоровски, авторско издание, Скопје, 2019)

Во книгата „Македонските лингвисти“ Иван Глигоровски дава сеопфатен пристап кон ликот и делото на нашите врвни лингвисти, посочувајќи дека редоследот го направил строго водејќи се од времето на снимање на емисиите, а никако
според величината на соговорникот. Книгата поседува богатство на материјали, фактографски единици, лични искажувања на самите лингвисти, но и посочува научни трудови, строго посветени на проучувањата на македонската наука за јазикот и литературата.Двотомното издание опфаќа личности кои одиграле клучна улога во развојот, подемот и афирмацијата на македонската лингвистика во светски рамки, но и помлади научници чија работа допрва ќе се вреднува. Тоа се луѓе кои се одликуваат со рационален став за насоката во
која треба да оди развојот на македонскиот јазик, литература и култура.