Todorovic, Emilija and Metodijeski, Dejan and Filiposki, Oliver and Taleska, Milena and Dzambazovski, Kristijan and Golakov, Kostadin (2019) Туристички речник за Скопскиот регион. Туристика, Скопје. ISBN 978-608-4872-03-0
Preview |
Text
Turisticki recnik za Skopskiot region.pdf Download (248kB) | Preview |
Abstract
Во Македонија постојат осум статистички региони и тоа: Вардарски, Источен, Североисточен, Пелагониски, Југоисточен, Југозападен, Полошки и Скопски.
Скопскиот регион го опфаќа басенот на Скопската котлина и претставува главниот културен, политички, економски и образовен центар во Македонија. Урбаниот простор на главниот град Скопје го сочинуваат десет општини: Центар, Карпош, Кисела Вода, Аеродром, Гази Баба, Бутел, Чаир, Ѓорче Петров, Сарај, и Шуто Оризари. Останатите седум општини го зафаќаат останатиот простор на Скопската Котлина, а тоа се општините Сопиште, Студеничани, Зелениково, Петровец, Илинден, Арачиново и Општина Чучер Сандево. Овој регион изобилува со природни и културно – историски објекти: Археолошкиот локалитет Скупи, тврдината Кале, аквадуктот, старата градска чаршија, бројни цркви и манастири и др. Природните убавини на планините Водно и Скопска Црна Гора, Кањонот Матка и др., нудат голем број на активности во природа. Во регионот успешно се развива урбан, бањски, транзитен и алтернативен туризам. Овој регион е најмал по површина и зафаќа само 7.3% од вкупната територија на Македонија, но, тој е најнаселен со 30% од вкупното население и истовремено е и најгусто населениот регион со 343.5 жители на км².
Основната цел на овој речник е да обезбеди пра¬вилно толкување на поимите и термините, кои се среќаваат во Скопскиот регион и може да помогнат на посетителите и туристите при реализирањето на престојот, одморот или туристичкото патување во овој регион. Областите кои се опфатени во речникот вклу¬чуваат: географски поими, населени места, општини, природни вредности, објекти од културно наследство, религиозни објекти, хотели и угостителски објекти, туристички агенции, транспортни центри, шопинг центри, државни институции, здруженија и други чинители поврзани со туризмот во Скопскиот регион. Ис¬то така, речникот содржи и термини поврзани со хра¬на и пијалаци, гастрономија, објекти за спорт и рекреација, користење на слободното време итн.
Процесот на селекција на термините во речникот одразува за кого е тој наменет. Првенствено е наменет за сите кои работат во туристичкиот сектор, но исто така и за академската јавност, студентите, оние кои патуваат и престојуваат во Скопскиот регион, заинтересираните страни од приватниот, јавниот и невладиниот сектор кои ди¬рек¬тно или индиректно се поврзани со туризмот и угостителството, природното и културното наследство. Во речникот се опфатени поими и термини кои се ко¬рис-тат секојдневно од страна на сите вработени во ту¬риз¬мот и од страна на оние кои учествуваат во него ка¬ко потрошувачи.
Авторите на овој речник прават напор да обез¬бедат основно, точно и јасно објаснување на зна¬че¬њето на поважните термини поврзани со туризмот и угостителството во Скопскиот регион, со што ќе придонесат за зголемување на стручната литература од ова поле и туристичка промоција на регионот. Ова издание на речникот содржи повеќе од 500 поими и термини, подредени по азбучен ред на македонски јазик, преведени на англиски ја¬зик и руски јазик и потоа објаснети на македонски јазик.
Во изработката на речникот користена е со¬од¬ветна стручна литература од областа на туризмот и угос-тителството, како и водичи за Скопскиот регион и Македонија, официјална статистика за регионот, студии, истражувања и публикации поврзани со географијата, природното и културно богатство на регионот. При комплетирањето на материјалот, голем дел од информациите се собрани по пат на теренски истражувања, како и користејќи го интернетот како извор на информација.
Имајќи предвид дека ова е прво из¬да¬ние на речникот, може¬би сме пропуштиле некои важни термини од значење за туризмот и угостителството кои се поврзани со Скопскиот регион. За сите забелешки, мис¬ле¬ња и коментари, авторите ќе Ви бидат благодарни и ќе ги земат предвид при создавањето на второто до¬пол¬нето и проширено издание на речникот.
Item Type: | Book |
---|---|
Subjects: | Social Sciences > Economics and business |
Divisions: | Faculty of Tourism and Business Logistics |
Depositing User: | Dejan Metodijeski |
Date Deposited: | 27 Jan 2020 10:47 |
Last Modified: | 27 Jan 2020 10:47 |
URI: | https://eprints.ugd.edu.mk/id/eprint/23521 |
Actions (login required)
![]() |
View Item |