Директна реставрација на централни максиларни ицизиви: приказ на случај

Вовед:Централните максиларни инцизиви претставуваат најекспонирани заби на трауматски повреди често присутни кај адолесцентите. Фрактурите се локализирани во делот на коронката со или без експозиција на пулпата.
Цел: Во презентацијата ќе биде прикажан случај од клиничката пракса на реставрирање на фрактуриран инцизив.
Материјал и метод: Пациентот на возраст од 13 години се јави во ординација заради фрактура на максиларен централен десен инцизив како последица на пад од велосипед. По извршениот преглед се утврди фрактура на инцизалната третина на коронката на забот 11, без експонирање на пулпата и други трауматски повреди. Во натамошната процедура по процена на виталитетот на забот, направивме тоалета на дентинската рана и пристапивме кон директно реставрирање на фрактурираната коронка со нанокомпозитен материјал 3M ESPE’s FILTEK Supreme Ultra.
Резултат: Директните реставрации овозможуваат максимално зачувување на забната супстанција што посебно е значајно кај млади трајни заби,
кои претходно не биле реставрирани како последица на кариес, траума или друго заболување.
Заклучок: Траумите на забите во регијата на фронтот можат да остават значајни негативни функционални, естетски и психолошки последици кај индивидуата затоа треба правилно и навремено да се лекуваат и третираат.