Paste – a perfect material for underground excavations voith backfilling

Еволуцијата на технологијата на откопување со заполнување на откопаните простори е тесно поврзана со видот и карактеристиките на материјалот употребен како засип. Тргнувајќи од јаловиот материјал добиен при изработката на подготвителните објекти – сув засип, отпадниот материјал добиен од флотациските постројки – хидрозасип, потоа цементниот хидрозасип, денес во експанзија е примената на засип во вид на густа смеса т.н. паста. Во трудот се презентирани својствата, начинот на подготовка, транспортот, вградувањето на пастата во откопаните простори и некои досегашни искуства при употребата на пастата.