Stratеgic control and planing of ventilation systems in mines

На оперативно ниво вентилационите системи, иако есенцијални се третираат како помошни и често се делумно или целосно занемарени. Како последица на ваквиот пристап, не само што значително се намалува ефикасноста и економичноста на работењето, туку се загрозува безбедноста на персоналот и опремата. Имено, во голем број несреќи, кој вклучуваат значителна материјална штета, застои во производството, сериозни или фатални повреди на инволвираниот персонал, индиректна или директна причина се токму несоодветно дизајнираните, имплементираните и одржувани вентилациони системи. Тргнувајќи од погоре изнесеното, а со цел надминување на овие состојби низ зголемување на знаењето на техничките раководители од оваа сфера, овој труд дава синтезен приказ на основните параметри, методи и средства за проектирање, имплементација и контрола на вентилационите системи кај подземните копови на металични минерални суровини (ММС). Дополнително, накратко се елаборирани и најновите технолошки достигнувања расположливи за комерцијална примена во оваа сфера.