Во пресрет на Десеттата ораторска вечер „Иво Пухан“

Ова е јубилеен зборник издаден по повод 55 години од основањето на Правниот факултет „Јустинијан Први“ при најстариот државен Универзитет „Св. Кирил и Методиј“ во Скопје (Р. Македонија), како и по повод десет години од започнувањето на тредиционалната студентска манифестација Ораторски вечери „Иво Пухан“, во чест на легендарниот професор по Римско право.
Ораторските вечери традиционално се одржуваат на 9-ти декември (Меѓународниот ден на човековите слободи и права), во свечениот Амфитеатар I на Правниот факултет - Скопје. Тие се конципирани како „натпревари во јавно говорење“ (forence genus dicendi) и се возобновени во 1997 година, по речиси тридецениско паузирање.Во Зборникот се поместени говорите на победниците и на учесниците на V, VI, VII, VIII и IX-та Ораторскa вечер.