Sekerinova, Emilija (2018) Фразеологизмите во наставата по германски јазик и нивната застапеност во учебниците за средно образование во Република Македонија. Masters thesis, Goce Delcev University Stip.
Preview |
Text
Фразеологизмите во наставата по германски јазик и нивната застапеност во учебниците за средно образование во РМ.pdf Download (1MB) | Preview |
Abstract
Денес македонскиот стандарден јазик е во период на полно оформување. Втемелувањето на дијалектите и на сите регионални изрази треба да се проучуваат од аспект на збогатување на јазикот во своите можности, да се зема столбот од народниот говор, но секогаш да се бориме за една поинаква современост. Дијалектните говори треба да бидат столбот на развивање на јазикот и неговата мисла и да го даваат призвукот на нашата култура. Но секако, јазикот не може да остане недопрен од влијанието на странските зборови. Изучувањето на странските јазици неминовно влијае на македонскиот јазик и неговото оформувањето, но да знаеш правилно да зборуваш е исто што и правилно да живееш, да си свој во својата земја, но и да си свој во туѓата земја. Однеси го јазикот онаму каде што патуваш и пак врати го дома чист како секогаш. Денес јазичните грешки може да се разгледуваат како проблематика на литературниот јазик, а сето тоа води кон истражување и изучување на истите, но и совладување на доброто познавање и доброто владеење на македонскиот литературен јазик. Јазичните грешки ги проследуваме и од аспект на навлегувањето и изучувањето на странските јазици, кои впрочем на еден начин се и главна тема на овој научен труд. Изучувањето на странскиот јазик како што е германскиот е секојдневен предизвик на новите генерации. Токму затоа наставниците како мисионери на училиштата имаат за цел јазикот на учениците да им го претстават и вкоренат преку најлесната интерпретативна варијанта. За таа потреба на наставниците во средното образование им се потребни некои измени и надополнувања во наставните планови и програми.
Овој научен труд акцентот го става врз изучувањето на германскиот јазик и трасирање на најпогодниот пат за негово полесно изучување. Токму затоа се обидовме да проговориме за слабостите во примената на наставните помагала за потребите за изучување на германскиот јазик во македонските средни училишта, за неговото што поцелосно усвојување и изнаоѓање на начин за неговото полесно усвојување. Ваквата посебност во самиот труд е
3
разгледувана и толкувана преку два дела, теоретски и методолошки дел, а како трет дел се поставени и поткрепени добиените резултати од истражувањето со статистички податоци. Истражувањето јасно покажува за потребата од промена во пристапот на изучување на германскиот јазик во средното образование преку промена на наставните планови и програми, но и преку збогатување на ресурсите за негово изучување.
Клучни зборови: настава, образование, германски јазик, фразеологизми, наставник, планови и програми за работа, учебници за средно образование
| Item Type: | Thesis (Masters) |
|---|---|
| Subjects: | Humanities > Languages and literature |
| Divisions: | Faculty of Philology |
| Depositing User: | Katerina Hadzi-Vasileva |
| Date Deposited: | 22 Jun 2018 11:57 |
| Last Modified: | 22 Jun 2018 11:57 |
| URI: | https://eprints.ugd.edu.mk/id/eprint/20113 |
Actions (login required)
 |
View Item |