Koleva, Blagica (2017) Сметководствени информациони системи - скрипта. ISBN 978-608-244-466-6.
Full text not available from this repository.Abstract
Сметководствениот информациски систем претставува употреба на сметководствените податоци во рамките на целокупниот информациски систем во претпријатието, како и значењето на обработката на податоците, користењето и управувањето со информациите како ресурс на претпријатието. Информациски систем е секоја напишана, електронска или графичка метода на комуникациски информации чија основа е делење и обработката на информации и идеи. Информацијата е сѐ поскапоцено и поважно добро кое е неопходно за организацијата ефикасно да функционира или, воопшто, за нејзино егзистирање. Затоа, важно е сметководството да се разбере како информациски систем за да можат да се задоволат потребите на организациите за добивање информации кои се важни за функционирање на истите.
Ракописот „Сметководствени информациони системи“ е наменет, пред сè, за студентите на додипломски студии на Економскиот факултет при Универзитетот „Гоце Делчев“ од Штип, кои го изучуваат истоимениот предмет, но можат да го користат и сите останати кои се заинтересирани за оваа проблематика. Основната ориентација во излагањето на содржината е презентација на една целосна анализа на функционирањето на компјутеризираните сметководствени информациски системи.
Во овој контекст, материјалот опфатен во скриптата е поделен на неколку делови:
Глава I – Основи на сметководствените информациски системи;
Глава II – Поим, видови и цели на сметководствениот информациски систем;
Глава III – Методологија на организирање на сметководствените информациски системи;
Глава IV – Развој, контрола и ревизија на сметководствените информациски системи.
Во првата глава се обработени поимот, целите и задачата на сметководствениот информациски систем, како и местото и улогата на сметководствениот информациски систем во рамките на целокупниот информациски систем во претпријатието.
Во втората глава од материјалот се обработени прашања во врска со поимот, видовите и целите на сметководствениот информациски систем, како дел од пошироката деловна анализа на работењето на претпријатијата.
Третата глава е посветена на методологија на организирање на сметководствените информациски системи и нејзиното место во гранката во која работи, како и развојот на информациските системи кои претставуваат повеќегодишен процес кој подразбира повеќе фази и активности, од планирање на развојот до застарување на системот и негова замена и повлекување од употреба.
Во четвртата глава детално се разработени мерките за сигурност и заштита на податоците и на системот во целина, со цел да дојдат до израз предностите што ги овозможува информатичката технологија за унапредување на квалитетот на сметководството.
| Item Type: | Teaching Resource |
|---|---|
| Subjects: | Social Sciences > Economics and business |
| Divisions: | Faculty of Economics |
| Depositing User: | Blagica Koleva |
| Date Deposited: | 16 Feb 2018 12:47 |
| Last Modified: | 16 Feb 2018 12:47 |
| URI: | https://eprints.ugd.edu.mk/id/eprint/19540 |
Actions (login required)
 |
View Item |