Прирачникза методот математички лавиринт: зголемување на нивото на знаење преку решавање на математички проблеми

Во согласност со приоритетите поставени од Европската комисија, а во врска со потребата на наставниците за нови пристапи во изучувањето на математиката, во 2015 година беше поднесена апликација за финансирање на проектот Математички лавиринт од страна на програмата Еразмус+ во Клучна акција 2 – Стратешко партнерство за иновации и размена на добри практики.
Целта на овој проект е развивање на методологија за учење и подучување математика преку креирање на Интерактивна книга која ќе ја користат и учениците и наставниците. Ова е прирачник кој ја објаснува употребата на оваа интерактивна книга.Оваа книга ќе ги стави учениците во центарот на вниманието и ќе ги предизвика да почнат да решаваат проблеми и да изнаоѓаат решенија за нив. Преку овозможени инструкции на секој чекор во процесот на решавање, книгата има за цел да ја зголеми мотивацијата кај учениците за разбирање на математичкиот проблем.