Улогата на менаџментот во креирањето на стратегија во здравствените организации

Здравствениот систем во Република Македонија претрпел и сè уште трпи промени во однос на различни периоди во кои се наоѓа земјата во рок од неколку декади пред и по нејзиното осамостојување. Во оваа смисла не само нашата земја туку и пошироко во регионот во текот на изминатиот период се создавале услови за континуирано менување и подобрување на функционирањето на здравствениот систем. Таканаречниот транзитен период, период на значителна стагнација на прогресот, е феномен, или подобро период-фактор, забележан во многуте земји од Балканот и пошироко. Особеностите кои ги бележиме во здравствениот систем во овој период се од особено значење за континуираното следење и согледување на денешната состојба во здравствениот систем во Република Македонија и во земјите во нејзиното опкружување. Постојаното унапредување на квалитетот на здравствената заштита се заснова на вредностите кои се вградени во концептот за квалитетот на работата и следната усвоена секојдневна пракса на здравствените установи: насоченост кон корисникот (пациентот), безбедност, делотворност, правовременост, ефикасност, правичност.



Клучни зборови: здравствена заштита, стратегија на менаџмент, менаџери во здравствените установи.