Каков наставник сакам да бидам?

Најблагородната, најстарата професија, професијата – учител, улогата која ја има учителот во животот на детето, неговата улога во развојот на општеството, отсекогаш го привлекувала вниманието на стручната, научната, пошироката јавност. Причините за ова се бројни: промени во општеството и рефлексија на тие промени во сите дејности, промени во воспитно - образовната дејност, нова концепциска поставеност на современото училиште, нови наставни програми, нови професионални, административни обврски, нови улоги и предизвици на учителот.... Интересот за оваа професија и покрај забелешките кои постојано и се упатуваат постои кај младата генерација. Прашањата за ликот на наставникот, неговата едукација, неговата компетентност се прашања кои постојано се поставуваат и кај младите луѓе кои се одлучуваат за оваа професија, кај креаторите на образовната политика, кај сите заинтересирани чинители за квалитет за образовниот, наставниот процес, т.е. каков наставник сакам да бидам, каков наставник посакуваме?