Управување и организација на процесот на снабдување со лекови Фармацевтски менаџмент

Процесот на управување претставува посебен вид на дејност, кој ја претвора неорганизираната маса индивидуи во ефективна група, која се стреми кон остварување на поставена цел.
Управувањето е стимулативен елемент на социјалниот развој и пример за значителни социјални промени.
Според дефиницијата на Peter Draker, управувањето е процес на планирање, организација, мотивација и контрола при формулација и постигање на целите на организациите.
Горенаведените карактеристики се нарекуваат општи функции на управувањето, но во зависност од типот на работа, секоја организација си има специфични функции од аспект на снабдување, планирање на продажбата на лекови, организирање на снабдувањето со лекови, контрола на движење на наркотика итн.
Организацијата ја градат група луѓе, чија дејност е координирана со исполнување на зацртани, општи цели.
Организацијата е зависна од надворешна средина и се карактеризира со своја структура (поделба на единици), хоризонтална и вертикална поделба на трудот и неопходност од управување.