Sinokapovska, Silvana (2016) Анализа на клиничките карактеристики и компликациите кај пациенти со β-таласемија во Струмичкиот регион. Other thesis, Goce Delcev University, Stip.
Preview |
Text
Korigiran2 Silvana Sinokapovska.pdf Download (1MB) | Preview |
Abstract
Светската здравствена организација проценува дека околу 2,9% од населението во светот се носители на генски дефекти кои доведуваат до наследни анемии. Наследните анемии се генетски условени состојби кои резултираат со недоволна синтеза на хемоглобин или пак синтеза на абнормален хемоглобин во еритроцитите. Хемоглобинот е изграден од два алфа (α) и два бета (β) глобински ланци па во зависност од тоа кои гени се афектирани се разликуваат α-таласемија - намалена или отсутна продукција на α-глобински ланци и β-таласемија - намалена или отсутна продукција на β-глобински ланци.
Во состав на Истражувачкиот Центар за Генетско Инженерство и Биотехнологија (ИЦГИБ) функционира и Националната референтна лабораторија за хемоглобинопатии, основана во 1970 година каде во текот на изминатите 40 години се испитувани повеќе од 30.000 индивидуи од нашата држава. Анализите покажале дека просечната застапеност на β-таласемија во Македонија е 2,6%, на α- таласемија е 1,5%, на делта-β-таласемија е 0,2%, додека застапеноста на Швајцарскиот тип на наследна перзистентност на фетален хемоглобин (HPFH) е 0,3%.
Целта на овој специјалистички труд е да ја прикаже распространетоста, односно присутноста на одреден вид таласемии во Струмичкиот регион на Р.Македонија, компликациите кои се јавуваат, како и дијагнозата и третманот на оваа наследна болест.
Материјалот за изработка на испитувачкиот дел беа здравствените картони на пациентите кај кои има дијагностицирано таласемија од било кој тип. Во истражувањето вклучени се 29 пациенти. Евидентирани се 16 пациенти со β-таласемиај минор, 2 пациенти со β таласемија интермедија и 8 пациенти со β таласемија мајор и 3 пациенти со α-таласемија.
Методологијата која е применета за изработка на овој специјалистички труд е аналитички пристап и историско-дескриптивен метод.Од резултатите добиени при испитувањето се заклучува дека присуството на β-таласемијата е повисоко во однос на α-таласемијата.
Клучни зборови: анемија, наследност, карактеристики, параметри, застапеност.
| Item Type: | Thesis (Other) |
|---|---|
| Subjects: | Medical and Health Sciences > Other medical sciences |
| Divisions: | Faculty of Medical Science |
| Depositing User: | Katerina Hadzi-Vasileva |
| Date Deposited: | 23 Mar 2016 10:22 |
| Last Modified: | 23 Mar 2016 10:22 |
| URI: | https://eprints.ugd.edu.mk/id/eprint/15632 |
Actions (login required)
 |
View Item |