Детството како неисцрпна инспирација

Збирката Ѕвони двапати од Васил Тоциновски ги опфаќа сите сегменти од детскиот свет, семејството, игрите, другарувањата, училиштето, првите симпатии. Авторот го следи детето насекаде и со негови очи го набљудува надворешниот свет. Говорот е детски, едноставен, длабоко искрен. Тоа е особина која не ја поседуваат сите писатели за деца. Но, Васил Тоциновски овде успеал да создаде автентично дело за детството во кое секој од нас ќе го пронајде своето детство. А тоа е најголемото признание за еден писател на литература за деца.