Студентите од Музичката академија на „Штипско културно лето“

22.6.2015  

Студентите од Kатедрата по пијано на Музичката академија при Универзитетот „Гоце Делчев“ – Штип ќе имаат настап во рамките на манифестацијата „Штипско културно лето“. Концертот на студентите од Kатедрата по пијано е закажан за вторник, 22 јуни, во Уметничката галерија „Безистен“, со почеток во 20 часот. На концертот ќе настапат студентите од класите на професорите Милица Шкариќ, Татјана Џорлева, Ангеле Михајловски и Владимир Лазаревски, а ќе изведат дела од Хајдн, Шопен, Лист, Рахмањинов, Григ и Дебиси.