Петролошки и вулканолошки карактеристики на карпите од локалитетот Кокино

Локалитетот Кокино во Република Македонија е од посебен интерес како археолошки локалитет (мегалитна опсерваторија од бронзено време). Тој е изграден од вулкански карпи од палеогенот кои се предмет на овој магистерски труд.
За целта на испитувањата беа собрани 20 примероци на карпи од кои 10 се темелно испитани. Сите 10 примероци се проучувани со хемиски анализи за главни оксиди на карпите, микроскопски испитувања, со анализи за елемeнти во траги и ретки земји, 2 геохронолошки анализи за изотопен состав со методата Rb/Sr и 2 геохронолошки анализи на фенокристали од една проба по методата K/Ar и се утврдени како трахидацити од шошонитска серија со порфирска структура и масивна текстура.
Староста беше утврдена со K/Ar методата како ран олигоцен (од околу 31 милиони години).