Патот до значењето: улогата на дискурсните маркери при декодирање на пораката/ прагматичката функција на дискурсните маркери

Дискурсните маркери заземаат значајно место во прагматиката. Тие придонесуваат за начинот на кој дискурсот се толкува и се вклучени во процесите за декодирање на инференцијата на исказот. Со нив се занимавале голем број лингвисти (Fraser, 1999; Schiffrin 1987; Iten, 2000; Blakemore, 2002; Dedaiќ & Miсkoviќ-Lukoviќ, 2010; Fielder, 2008, 2010, и др.) кои се обиделе да ги класифицираат и да ги толкуваат според различни лингвистички теории.
Во ова излагање ќе се задржиме на толкувањето на улогата на дискурсните маркери според Теоријата на релевантноста. Според Блејкмор (Blakemore, 2002), дискурсните маркери немаат концептуално, туку процедурално значење (инферентното значење). Тие се како патокази во процесот на комуникацијата кои го насочуваат соговорникот кон декодирање на имплицитното значење на пораката на говорителот. Процесите на декодирање на инференцијата ќе ги илустрираме преку примери со дискурсните маркери во македонскиот јазик (ама, добро, па, и др.).