Теориски пристапи во училишниот менаџмент

Во литературата се среќаваат многу дефиниции кои го определуваат поимот менаџмент. И покрај различието сите тие менаџментот го определуваат како процес кој претпоставува остварување на функции (планирање, поттикнување, организирање и контролирање), заради достигнување на цели низ вклучување на човечки и други ресурси. Образовниот менаџмент главно се промовира како интердисциплинарна и мултидисциплинарна научна област која ги проучува наодите и практиките од работата на образовните институции. Најчесто ваквите определби ги занемаруваат проблемите поврзани со општите и специфичните цели на воспитно-образовниот процес. Во трудот се презентирани сознанија врзани со валидноста на теориите на училишниот менаџмент и карактеристиките на неколку модели на образовен менаџмент.