Мултикултурализмот и професионалниот развој на учителот

Мултикултурализмот и постоењето на различни етнички и национални заедници е фактичка состојба во сите балкански земји, помеѓу кои Република Македонија во секој случај има најхетероген етнички состав. Во трудот настојувавме да ги доловиме сите можни влијанија кои имаат етнички предзнак врз процесот на образование во Република Македонија. Досегашната образовна практика на Република Македонија покажува дека сите релевантни фактори и во минатото и денес правеле и прават огромни напори за целосно интегрирање на сите учители припадници на етничките заедници во образовниот систем на Република Македонија. Меѓутоа сите анализи во државата покажуваат дека одредени етнички заедници се незадоволни од образовната политика на државата во делот на образованието и професионалниот развој на учителот.
Клучни зборови: мултикултурализам, етнички заедници, билингвизам, диглосија, професионален развој.