Потенцијални ризици и опасности од елементарни непогоди врз недвижното културно наследство во Ново Село

Ново Село е една од најстарите насеби во Штип. Со својата позната стара архитектура оваа населба воедно претставува и недвижно културно наследство каде дел од објектите се заштитени со закон. Меѓутоа како секое населено место и ова е подложено на ризици и опасности од елементарни непогоди. Самата карактеристична местоположба односно опколеноста со ридови, текот на река Брегалница покрај самата населба но и старата архитектура во чиј градежен состав е присутна дрвената граѓа е потенцијална опасност и ризик од појава на поплава, пожар, лизгање на земјиштето, земјотрес и сл. Ова воедно претставува и загрозување на целокупното недвижно културно наследство во Ново Село што заслужува внимание за превземање на мерки и активности со цел како би се извршило негова заштита и спасување во случај на појава од потенцијалните ризици и опасности.