Скрипта по предметот Преведување и толкување од македонски на германски јазик

Оваа скрипта произлезе од потребата, студентите да имаат теоретски материјали за учење, кои ќе им помогнат во совладувањето на вештините за преведување и толкување од македонски на германски јазик. Таа е замислена како помагало за часовите по преведување и толкување од македонски на германски јазик од една страна, но од друга страна и како поттик за другите научници кои се занимаваат со оваа проблематика да истражуваат и творат, како би можеле да ги збогатуваат македонските библиотеки со стручна литература од областа на транслатологијата.