Компарација на рехабилитацијата на пациенти со цервикален синдром помеѓу Република Македонија и Република Хрватска

Кај многу луѓе барем еднаш во животот се случува да почувствуваат болки во вратот што може да напредуваат до хронични болки. Причините може да бидат различни, како на пример: болести на мускулно-скелетниот систем, лошо држење на телото, воспалителни ревматски болести, дегенеративни промени на вратниот дел од `рбетот и синдроми на преоптоварување. Темелен патолошко - анатомски процес е дегенерација на `рскавицата.
Во зависност од местото каде што се појавуваат клиничките симптоми, разликуваме: цервикален, цервикоцефален и цервикобрахијалнен синдром. Дијагнозата се поставува врз основа на клиничката слика, анамнезата и рендгенолошките прегледи на вратниот `рбет.
Цел на лекувањето е да се намали болката и да се врати функцијата на вратниот дел. Кинезитераписките методи може да се поделат на: динамички вежби, статички вежби , McKenzie методата и тракција.
Кон рехабилитациите кај болните со вратен болен синдром треба да се пристапи индивидуално и за секој пациент да се направи посебен план и програма за вежбање.
Клучни зборови: цервикален синдром, цервикоцефален синдром, цервикобрахијалнен синдром, кинезитерапија