Автоматизација и процеси -практикум

Автоматизацијата и процесната контрола и управување се едни од најзначајните подрачја на науката и технолошкиот развој. Ова се должи на фактот што автоматиката е поврзана со развојот на скоро секој технолошки правец. Во својата суштина автоматиката е мултидисциплинарен предмет, фундаментален за повеќе инженерски академски гранки, како електротехниката, електрониката, машинската, хемиската и аеронаутичката. Таа изискува широки математички предзнаења и имплементациони вештини со контролери во практиката.
Овој ракопис е придружно наставно помагало на скриптата за истоимениот предмет "Автоматизација и процеси" на Електротехничкиот факултет при Универзитетот "Гоце Делчев" -
Штип.
Практикумот се фокусира на вежби поврзани со базичното PLC Ladder програмирање, кое може да се реализира и на PLC симулатор, како и на вежби поврзани со кондиционирање на сигналите за оптимална аквизиција и физикална репрезентација.
Ја користам оваа можност да им се заблагодарам на сите колеги, а особено на рецензентите на практикумот, за нивните конструктивни коментари, забелешки и сугестии во насока на подобрување на квалитетот и на содржината на материјалот.