Општа епидемиологија

Последниве години епидемиологијата станува се позначаен и понеопходен инструмент како во јавното здравство, така и во клиничката пракса. Епидемиологијата претставува базична наука за превенцијата на болестите и има голема улога во развојот и евалуацијата на јавноздравстваните стратегии и тактики, како и во социјалните и легислативните сфери. Денес епидемиологијата, заедно со лабораториските истражувања се употребува за идентификација на ризик-факторите асоцирани со настанувањето на болестите и нарушувањата на човековото здравје и за расветлување на патогенетските маханизми. Епидемиолошкиот начин на размислување, епидемиолошката методологија и нејзината употреба предизвикуваат се поголем интерес кај се поширока група професионалци во здравството, но и кај јавноста во целина. Оваа книга дава увид во принципите и методите на епидемиологијата.