Првиот Меѓународен Арт Фестивал „Дојрана“

Првиот Меѓународен Арт Фестивал „Дојрана“ се оддржува од 20-28 јуни во Дојран, на отворената сцена во хотел Романтик.

Фестивалот е од натпреварувачки карактер, а учесниците ќе се натпреваруваат во неколку дисциплини: класика, естрада, фолклор и кореографија.

Здружението на граѓани „Сцена прва“, со директорот Ласко Атанасов, уметничкиот директор д-р Невенка Трајкова и претседателот на организациониот одбор д-р Екатерина Михељкис стојат зад фестивалот и  појаснуваат дека  истиот е формиран со образовно-едукативна цел, како и со цел за развој на туризмот во Македонија.

На фестивалот се пријавени учесници  од Русија околу 70, од Бугарија, Косово, Србија, а од Македонија се пријавени преку 150 учесници.