Молекуларно-дијагностички методи, ризици и превенција на фамилијарната хиперхолестеролемија

Atanasovski, Vlatko (2013) Молекуларно-дијагностички методи, ризици и превенција на фамилијарната хиперхолестеролемија. Masters thesis, Goce Delcev University, Stip.

[img]
Preview
Text
__ugd.edu.mk_private_UserFiles_katerina.hadzivasile_Desktop_Molekularno dijagnosticki metodi, rizici i prevencija na familijarnata hiperholesterolemija.pdf

Download (729Kb) | Preview

Abstract

методи, ризици и превенција на фамилијарната хиперхолестеролемија Апстракт Фамилијарната хиперхолестеролемија (FH – Familiar Hypercholesterolemia) претставува генетичко заболување на организмот предизвикана најчесто од мутација во генот за рецепторот за липопротеини со мала густина (LDLR) и аполипопротеин Б генот (apoB). Претставува наследно заболување и како такво се карактеризира со покачени количества на вкупен холестерол и LDL – холестерол, како резултат на присуство на дисфункционални рецептори за LDL – холестерол или недостаток од рецептори за LDL- холестерол во црниот дроб со кои организмот, поточно црниот дроб, би го чистел LDL – холестеролот од циркулацијата во организмот. Пациентите со оваа болест се со голем ризик на многу млада возраст да развијат кардиоваскуларна, цереброваскуларна или периферна васкуларна болест како резултат на атероматозни промени во крвните садови, а со тоа и голем ризик од фатален исход доколку состојбата не се открие и третира соодветно. Во овој истражувачки труд се користени резултатите од лабораториски испитувања од амбулантскиот дневник на ПЗУ ДЛ „Павлина” – Виница, во временски период од две години 2010-2011 година. Трудот има за цел да ја прикаже преваленцата и ризикот од појава на можна хиперхолестеролемија, дефинирана по пол и возраст. Според анализираните резултати, заклучивме дека кај машката популација најмногу пациенти со високи концентрации на холестерол има во возрасната група од 40 до 60 години, додека кај женскиот пол во возрасната групата на жени над 60 години има најмногу пациенти со покачени концентрации на холестерол. Утврдено е и генерациска врска, т.е. покачени концентрации на холестерол во две генерации во една фамилија. Фамилијарната хиперхолестеролемија е болест која е проценето дека е присутна кај најмалку 250 милиони луѓе во светот и е од особена важност нејзината брза и рана детекција. Тоа се прави со помош на клиничко лабораториски методи и критериуми и молекуларно-дијагностички методи за откривање на генетската причина за појава на оваа болест.

Item Type: Thesis (Masters)
Subjects: Medical and Health Sciences > Health biotechnology
Divisions: Faculty of Medical Science
Depositing User: Katerina Hadzi-Vasileva
Date Deposited: 01 Jul 2014 12:52
Last Modified: 01 Jul 2014 12:52
URI: http://eprints.ugd.edu.mk/id/eprint/10313

Actions (login required)

View Item View Item